| Nightingale's profileDark, Dang, & Doktor Ava...PhotosBlogLists |  Tools  Help |
|
February 14 「愛的大集合」o既另一個統計 - 愛o既顏色(Revised on 17/02/2006)
睇o左四哥對各個扑友寫「愛的大集合」後o既感想之後, 我對於「愛集」呢個"民調"裡面其中一點幾有興趣, 於是我就做o左另一個統計.
呢個統計, 係有關各扑友 "愛o既顏色".
從二十個扑友(包括我)o既「愛集」中,
鐘意藍色(包括紫藍)o既有 14 人;
鐘意黑色o既有 10 人;
鐘意紅色(包括桃紅)o既有 6 人**;
鐘意灰色o既有 4 人;
鐘意白色o既有 4 人;
鐘意綠色(包括鴨屎綠)o既有 3 人;
鐘意黃色o既有 3 人;
鐘意紫色o既有 1 人;
鐘意橙色o既有 1 人; 呢個結果對我o黎講, 有超過一半係意料之內, 其餘o既就令我感到相當意外.
意料之內o既, 係超過半數o既扑友都鍾意藍色. 據研究顯示, 藍色代表和平, 逃避同夢想. 佢可以令人感到平靜, 促進身心舒暢, 內心o既安全感同信心. 愛著淺藍色o既人同常都好有創造力, 感性同充滿想像力. 佢地需要一個和平o既環境; 而愛著深藍色o既人(包括我)同常都係聰明, 獨立, 同有責任感(唔好咁樣誇獎我啦 ^^). 佢地渴求寧靜, 同他人o既體貼和鍾愛.
的確, 我本身好鍾意藍天碧海, 每次我都記住望天同海時o個種柔和同內心寧靜o既感覺. 至於深藍就係我小朋友時代已經好鍾意, 望住佢, 既平和, 又嚮往. 雖然大家鍾意藍色各有不同理由, 但我諗追求夢想同內心o既寧靜, 係唔少愛藍者o既祈望吧.
至於令我感到幾意外o既, 係有過一半o既扑友鍾意黑色. 黑色係優雅同現代感o既象徵. 佢代表財富, 涵養, 深奧同神秘. 係衣著上, 黑色o既衣服令人想到莊嚴, 權力同恐嚇性. 黑色服裝同樣會令人聯想到生命中嚴苛o既一面 - 死亡, 哀傷, 甚至抑鬱. 係某種場合, 著黑色展現出自我約束同獨裁o既個性, 佢代表一個有決心同受過歷練既人, 內心充滿堅強o既意志同信念.
對一般人o黎講, 黑色太過陰沉同負面, 所以唔鍾意. 但我鍾意黑色, 唔多唔少係成長時o既選擇. 佢代表無限o既可能性 - 舒服, 優雅, 力量, 決心, 誘惑, 深淵, 思想o既陰暗面, 衝出困境o既原動力, 諸如此類 - 黑色既可以令我沉淪, 同樣亦賜我力量再闖高峰. 佢係一種包含多重意義o既顏色, 我實在搵唔到理由唔鍾意佢.
至於第三熱門, 被譽為色中之色o既紅色, 係熱情, 感性, 同慾望o既顏色. 紅色亦往往同勇敢, 抗抑鬱, 獨斷, 決心, 友善, 溫暖同感性扯上關係. 佢帶出活力, 速度同行動, 容易吸引人o既注意. 佢同樣係代表警告同令人容易煩躁o既顏色. 研究表示, 鍾意著紅色衫o既人同常都係有野心, 易衝動易興奮, 同埋充滿活力. 佢地o既性格係外向, 勇敢, 追求高成就, 往往係社會中既領袖材料. 紅色亦係多種各地節日o既專用色, 唔少人見到佢就好似見到家燕姐一樣咁高興; 我嘛, 除o左聖誕紅之外, 我對紅色基本上係冷感o既, 因為黑, 就係我心中o既紅.
另外, 不可不提o既係其中三位鍾意o既綠色. 佢代表生命, 成長同和諧. 綠色係大自然之色, 但係某種情況下(如愛情, 希望, 年青同比賽), 佢同不穩定, 不肯定同一瞬即逝o既感覺扯上關係. 唔知道種意綠色o個三位, 係喜愛大自然, 定係想用自己o既青春同運氣, 去為未來賭一鋪?
雖然呢個統計唔能夠代表o的乜o野, 但我諗, o係我認識o既呢一班扑友之中, 佢地都係與眾不同o既人 - 年青, 有活力, 有幹勁有創意, 同時又幾不滿現狀 - 比起一般普羅大眾, "我地與眾不同", 絕對當之無愧.
能夠識到你地, 或者係因為我鍾意黑色吧. (自爽中 ^^)
-- -- --
手指指:
------------
(1) 四哥「愛集」感想 - Makoto 的新稱呼
(2) 「愛的大集合」統計來源:
Finging Neverland - 新年第三擊:【愛的大集合】
Makoto - 新年棍之【愛的大集合】
Dark, Dang, & Doktor Avalanche - 愛, 大集合!
陀主 - 新年流流被隊一棍 (Oh! 我的菊花)
暗黑熱血 - 接力愛之棒--【愛的大集合】
四哥 - 新年流流被扑...【愛的大集合】
bZkit - 愛的大集合捧捧
ASF@Blog - 愛的大棒棒 飛鳥亭 - 唉~的大集合
德川家評定間 - 原來要接捧
小Day - 愛的大集合
K Note - 愛的大集合
(3) 顏色o既心理學:
(4) 顏色o既象徵意義:
** 註: 係紅色o既統計中, 由於果子對顏色o既選擇並不明確, 所以佢揀o既紅色並無被計算在內. Comments (6)
TrackbacksThe trackback URL for this entry is: http://goufcustom.spaces.live.com/blog/cns!318A935E02E468B!398.trak Weblogs that reference this entry
|
|
|
